منتديات اليوم

المواضيع الأخيرة

» طريقة زياده نقاط الترتيب حسب المباني مباني لعبة ايكاريام ايكرم ايكريام
السبت أبريل 21, 2012 5:10 am من طرف herooo

» فيلم الأكشن The Marksman مترجم DvDRip بحجم 196 ميجا
الجمعة أبريل 20, 2012 10:18 am من طرف ahem

» اكثر الافلام جريمه (( Obsessed 2009 :: Dvdscr ))
الأحد أبريل 08, 2012 5:11 am من طرف ahem

» قناة art
الجمعة نوفمبر 06, 2009 2:13 pm من طرف basam

» كيف تنهب المدن فى النسخة الجديدة
الخميس سبتمبر 17, 2009 1:01 pm من طرف basam

» المسابقة الاولى : لهواة لعبة ايكريام
الخميس سبتمبر 17, 2009 12:36 pm من طرف reveng

» كيف تجد مكان لمباني النسخة الجديدة
الخميس سبتمبر 17, 2009 12:27 pm من طرف reveng

» المعارك فى النسخة الجديدة ( وترتيب الوحدات و السفن
الخميس سبتمبر 17, 2009 12:27 pm من طرف reveng

» كيفية حماية المدن من النهب فى النسخة الجديدة22
الخميس سبتمبر 17, 2009 12:26 pm من طرف reveng

التبادل الاعلاني

تصويت

هل تفوقت ايكريام على ترافيان
83% 83% [ 5 ]
17% 17% [ 1 ]

مجموع عدد الأصوات : 6


    إدخل موسوعة جينيس وإنت مغمض

    شاطر
    avatar
    kings of africa
    عضو نشيط

    عدد الرسائل : 29
    العمر : 26
    تاريخ التسجيل : 19/08/2009

    روشنة إدخل موسوعة جينيس وإنت مغمض

    مُساهمة من طرف kings of africa في الخميس أغسطس 20, 2009 4:32 pm

    موسوعة جينيس ياحبايبي الصغار[ندعوك للتسجيل في المنتدى أو التعريف بنفسك لمعاينة هذه الصورة]


    هي أقوى .. أسرع .. أقدم .. اطول .. اقصر .. إلخووون .. إلخووون .. شلوو لخ ( هلمقرا )


    كونت في ساعة متاخرة من الليل ... بعد العشاء مباشرة .. حاط براسي أقول في ساعة متأخرة >>

    مر يت مكتبة ( ***** ) تحتفظ الجريدة بإسم المكتبة وصاحب المأساة >>> نياهاهاهاها

    وادخل ولاسلمت على أحد .. واحلى مافي ذيك المكتبة إنك لادخلت

    تشوف شاشة فوق راسك فيها صورتك على الهواء مباشرة .. عاد

    إريوس شوي .... وكني منيب مهتم وبس أمرمر من عند المدخل .. ( حلوه شوفة النفس ياخي )


    وأطلع فوق وأشوف وش عندهم من كتب ( طبخ ) لزوم المسابقات

    بالمجلس .. على طاري المسابقة .. والله ياني مجهز طبخة بس

    يارب مايكون خلص مدة المشاركة !! يمديني ؟! بعد هالموضوع بروح أقراء الشروط ووقت إنتهاء المسابقة .. لو فيه وقت بدخل المطبخ وأدّهر ..

    لقيت كتاب بعنوان موسوعة جينيس للأرقام القياسية ... وأخذ

    الكتاب وأتلفت يمين ويسار وإلا فيه كراسي والمكيفات ميه ميه ..


    وأقعد وأتصفح .. هو الكتاب بــ 130 ريال .. احس أني قريت بما

    يعادل 124 ريال ( الستت تريل ) حقت الفهرس والمقدمة .. بكرا أرجع واكملها


    لقيت الأخبار اطول رجل .. أضخم صاروخ .. أطول شنب .. مع صور


    لكن بدينا نطب بمواضيع خالعه شوي .. أطول قبلة بالعالم ؟؟ أكبر

    تجمع قبلات بالعالم .. يعني مدري كم واحد يحبون بعض بنفس الوقت .. وحاطينهم بموسوعة جينيس للأرقام القياسية ..


    عاد انا فكرت .. يمديني والله ادخلها .. شكل الدعوى ( فري ) يعني

    لابغيت تدخل هالموسوعة تسوي مثل هالأمور وانا متأكد مااحد

    سواها .. لاصارت هبال .. خذ الهبال اجل .. مثلا:

    تفصّخ ونم بالشارع مصلوخ .. تدخل الموسوعة كأول (مهبول) هع

    قصدي رجل ينام مصلوخ بشارع عمومي لأطول مده


    بهالإجازه دامها طويلة إغتنم الفرصه وإدخل الموسوعة بحيث إنك

    تجيب قلم ودفتر أبو ( 100 ) وجهين وتكتب احبتس يمه .. احبتس

    يمه .. احبتس يمه .. ولاتوقف إلا عند آخر الدفتر .. وإرسلة عليهم كأطول رسالة بالعالم ..


    تبي تدخل بعد الموسوعة ؟؟؟ سممم سممم .. خذ عندك هالكمية من الأفكار الجديدة :


    أضرب بصل لمدة أسبوع مع فول قلابة + جر جير + كراث +

    فجل .. وأطلب لجنة من هالموسوعة يقعدون عندك .. وبخ عليهم

    الكيماوي وإدخل الموسوعة كأول شخص يقتل إنسان بالرائحة ..

    لمدة أسبوعين .. كل ونم ... كل ونم .. كل ونم .. لاتغسل فمك .. ولا

    رجلينك ... ولاتاكل علك نهائياً وعليك بالدخان وبخ ريحة الفم على

    أحد رجالات الموسوعة الأفاضل لتدخل الموسوعة كأول شخص


    يستطيع أن يستخدم رائحة فمة كسلاح فعّال مما تسبب أغماء وفقدان للذاكرة ...


    نبعد عن الامور المقر فة ...

    تزوج قرده ... أخطبي كلب ( أعزكم الله ) تدخل جينيس

    صارووووخ وخل الزواج ( صوري ) يعني متعه بس تدخل

    الموسوعه وبعدها بقريح .. كل واحد يروح من طريق

    أقامة مباراة من فريقين وكل فريق من ( 47 ) لاعب ... ( هذي

    موسوعة لحالها ) والحكم ( حول ) برضه هذي موسوعة على

    الطاير ... وخله يبداء المباراة وقبل مايو قف من الصفرة يصفر

    ثانيه وينهي اللقاء بالتعا دل وهذي تدخلك الموسوعه من أوسع

    الأبواب .. كأسرع مباراة بالعالم .. قايلكم بسيطة

    شطحتن ...

    الغريب في الموضوع ( أي موضوع ) إن الامور اللى غريبة علينا

    صرنا نسمع عنها عادي .. مثلاً جحدة صديق ؟؟ خيانة حبيب .. !!

    نكران للوالدين ... قسوة الأم على أبنائها ..

    ماعاد نسمع عن جريمة ( غريبة ) أو حادثة بشعة !! الحوادث كلها

    صايرة أبشع من بعض .. أم تعض بنتها أو مدري ولدها لين مات ؟!

    او بالعناية المركزه ... بالطايف ولد يذبح أبوه ؟؟ بنغالي مؤذن


    مخلي المسجد للقمار ومخزن للمسكرات .. !!!

    يازمان العجايب وش بقى ماظهر !

    نرجع لجينيس للأوضاع المخلة بالآداب .. او الأرقام القياسية ...

    وش ناويين تتوقعون ندخل الموسوعه فيه ...

    انا أشوف إننا شعب بيدخل الموسوعة برمي النعمة والفضلات

    خصوصا بعد الزواجات !؟

      الوقت/التاريخ الآن هو الأربعاء يناير 23, 2019 5:28 am